White House nung ‘Star Wars: The Force Awakens’ film sayu

December 21 : Washington kübok White House nung nüngtugu Stars Wars film tesüsaba, ‘Star Wars: The Force Awakens’ sayuogo.
Star Wars film 7 buba, ‘Star Wars: The Force Awakens’ film ya Gold Star kibongtem aser mitkar kibongtem indang tila tanurtem dang sayuba osang ka US Press Secretary, Josh Earnest-i metetdaktsüogo.
US Tir, Barack Obama-i osangbener den ajurutepba noksa ka sayua, “Tir Obama-i osangbener den ajurutepba sentong dang nungibo tesüsaba Star Wars film White House nung sayubaji tongtiba,” ta Earnest-i asayamenüa ashi.
Ano külen, “Ni Star Wars film reprangtsü mapang atonger,” ta shia, Obama-ia osangbener den ajuruteptsü sentongji tembanga liasü ta Entertainment Weekly-ia metetdaktsü.
JJ Abrams-i directsüa yangluba ‘Star Wars: The Force Awakens’ film ya UK nung tan December 17 nü mezüngsüa sayaba sülen, US o Canada na nunga tasüng, December 18 nü saya liasü.
Harrison Ford, Mark Hamill, Carrie Fisher, Adam Driver, Daisy Ridley, John Boyega, Oscar Isaac aser Lupita Nyong’o nungeri tognti shilem agiba film ya India nunga tan December 25 nü mezüngsüa sayatsü sentong renema lir.