White House nung tulur ka Trump dang jashi: Report

Reuters, Jan 27 (Agencies) : US Tir, Donald Trump dang kanga jashiba agi White House Counsel Donald McGahn-i taoba June ita nung pa menden toktsütsü amokmerena liasü, ta osang ka ajanga metetdaktsü.
2016 küm U.S. election agiba mapang Russia nungeri teka amuoka inyaktsü merangba dak sendakba bushisüngdangtsü atema shimteta aliba luden agientsü atema pa dang inyakang ta Trump-i pa kanga rongshia liasü. Iba dak sendakba inyakyim indangji kanga junga meteta aliba nisung kati iba osangji Reuters osang den jembidang sapoka ashi.
New York Times ajanga sangdongba osang nung ashiba agi, Trump-i Special Counsel Robert Mueller anendakjang ta tetuyuba agütsü saka iba tetuyubaji inyaktsü melena pai pa mendenang toktsütsü ta McGahn-i ashiba sülenang Trump-i atsüanem aka.
Aji oda süaka, iba osangji tiyazü, ta Trump-i jangjashitsüogo.
“Tiyazü osang, tiyazü osang,” ta iba dak sendakba nung asüngdangyaba mapang Tiri osangbenertem dang ashi.
Davos, Switzerland nung business aser yimten lenirtem adenshia World
Economic Forum nung adenba mapang Trump-i iba osangji jangjashitsüogo.