Wikipedia : Wikipedia ya ajaki angati agi internet ajanga amshitsütetba osang angudak tongti lir. Aseni metetnüba osangtsüsang ajunga angudak, Wikipedia ya tajangzük mebushiba tentet, Wikimedia Foundation-i nungitba osangtsüsang angudak lir. Wikipedia amshirtemi nüngdakba osangtsüsang anguba den külemi, parnoki dang latetba temzüng benshira, Wikipedia nung yutsüba osangtema tajungba küma melenshitsü lenmang lapokja lir. Alima ajunga nung kanga dang sapua amshiba website 10 rong nung züngsemba Wikipedia ya Internet ajanga osangtsüsang angudak tulutiba lir.
Jimmy Wales aser Larry Sanger nati külemi lungjemer Wikipedia ya mezüng tentet. Wikipedia nungi mezüngbo English oshi nung dang osangtsüsang nguteta liasü saka tanübo Wikipedia nung oshi balala nung osangtsüsang renemtsütsü tenzükogo. Englishi oshi kija nung onük balala indang ocet million 4.7 dak tema aliba densema Wikipedia nung oshi 288 shi amshia ajak agi ocet million 35 shi renema lir. February, 2014 tashi nung ita shi nisung million 500 shi kati Wikipedia lapokba osangtsüsang balala bushiba osang bushiteta lir.
Wikipedia added by nungsang on
View all posts by nungsang →
You must be logged in to post a comment Login