Will.i.am-i The Voice UK nung Mariah Carey dendaktsüner

May 13, 2016: Musician aser entrepreneur, Will.i.am-i The Voice UK nung pa den külemi coach asütsü atema Mariah Carey dendaktsüner.
2011 küm Britain nung TV talent contest, The Voice tenzükba sülen series ajak nung coach asüsangji Will.i.am dang lir.
Taküm küm tetenzüklen series tasenba atema pa den Kaiser Chiefs frontman, Ricky Wilson, Paloma Faith aser Boy George nunger aden ajisüaka Ricky-i iba show toktsüogo.
Coach atema Cheryl Cole shimtsü asü ta Britain’er The Times osangbenertemi asüngdangba langzüdang Black Eyed Peas star, Will.i.am-i “Cheryl (?) Lai aji oda inyaktsü asü masü’ar ni  memetet,” ta ashi.
Rick shibai melen nung ajungtsü ta asüngdangba langzüdang pai, “Mariah Carey” ta langzüa liasü.
Will tenüng shitakbabo William Adams lir aser pai iba show meimba indanga lemsatepa liasü.
“Ni The Voice meimer. Ni atangji meimer. Tanurtem dang tesangwa sayutsü ni jangrar.” Ta paisa ashi.