Will Smith Mumbai nung lir, Akshay’er kidangi arudangang metet

New Delhi, August 29, 2016 : Will Smith-i shinga nema memetetdaktsüi Mumbai tonga aruba sülen Akshay Kumar’er kidangi benjong nung adentsü arudangang ajaki metet.
Suicide Squad film nung tongti shilem agisang, arishi küm 47 tain, Will Smith India nung lir… pa India-i kechi atema aruar ano memetet, ajisüaka memunui metetjemtsü südi.
Pa aruba mapang Akshay aser Twinkle na benjong monga liasü.
Arishi küm 48 tain, Akshay taküm ya kanga temoatsü aser takok anguba küm ka lir anungji benjongji tamongtsü tim nung amonger. Pai shilem agiba Rustom film ajanga sen crore 100 dak tema aateta lir. Ano pa ya alima nung aliba actor tem rongnung sen timba aateter tarensen nunga jenjang 10buba nung lir, ta Forbes-i metetdaktsüogo. Taküm küm sa pai shilem agiba Airlift aser Housefull 3 film tema kanga nüngtugu kümogo.
Anungji Deobarnü amongba benjong nung kanga dang tekaket nisungtem den star tem dena liasü.
Iba benjongi Actresses Alia Bhatt aser Shraddha Kapoor na külemi aru.
Dishoom film nung shilem agir Jacqueline Fernandez aser Varun Dhawan nata iba sentong nung adentsü atema külemi aru.
Rustom film nung actress Esha Gupta-i iba nikongdang kanga tobur junga renemteter aru.
Ranbir Kapoor-a pa tembar tajungtiba Ayan Mukerji den aru aser Arjun Kapoor Punjab nunger tesashi ka ama renemteter liasü.
Director Karan Johar-a benjong nung adentsü aruba mapang noksa ka tangoka lir.
Akshay tenü, Dimple Kapadia-a sari ka kanga azü azüa nair liasü aser ano tarurtem rongnung tesüiba mapang Rustom film nung tongti shilem agisang, Akshay den medemala, ta olulu jembiba, actress Pooja Batra-a dena liasü.