Williamson-i Christchurch Test asaya nung otsü tasen yanglur

Christchurch, February 23 (Agencies): Australia den tasayadak 2 buba Test asaya anogo 4 buba nung New Zealand nunger batsman, Kane Williamson-i otsü tasen yanglua par telok asoshi kanga junga shilem agiogo.
Williamson-i 14 buba Test century yanglur batsman-a akümtsüsa asaya saka pai runs 97 dang yanglutetba yong iba alizüngjibo majangzükteti süidaktsü.
Willaimson-i innings 89 buba nung Test runs 4000 yanglua külem sensopur, Martin Crowe-i küm 24 tejaklen innings 93 nung Test runs 4000 yangluba otsü ajangteta par New Zealand batsman rong nung tekaratiba mapang nung 4000 Test runs yanglur batsman aküm.
Test runs 4000 tekaratiba mapang nung yanglur batsman akümba den külemi, Williams iba alizüng ajangzüker New Zealand batsman tanubotisang kümogo.
Williamson-i yaküm, 2015 küma century 5 yangluba densema, ajak agi runs 1172 yanglua liasü.