Wimbledon 2015: Murray o Federer na semifinal asayatsü

London, July 08 (Agencies): Britain nunger Andy Murray-i tanü Bodbar nü takok ngua Switzerland nunger Roger Federer den tang tasayadak Wimblendon 2015 tennis asayamong tebur singles shilem indang semifinal asayatsü jenjang nguogo.
World No. 3 Murray-i tanü points 6-4, 7-5, 6-4 agi Canada nunger Vasek Pospisil madak quarterfinal asaya nung takok angu.
Federer-ia tanü points 6-3, 7-5, 6-2 ngua tan asayamong nung 12 buba jenjang abensang, France nunger Gilles Simon quarterfinal asaya nung tsükdaktsü.
37 buba Grand Slam semifinal asayatsü jenjang angusang, arishi küm 33 tain Federer-i 17 buba Grand Slam semifinal asayatsü jenjang ajangzüksang, arishi küm 28 tain Murray den tan Hokolbar nü semifinal asayatsü.
Tan asayamong nung temaba jenjang abenla, America tsür Serena Williams-ia points 3-6 6-2 6-3 agi Belarus tsür, Victoria Azarenka quarterfinal nung tsükdaktsüba sülen tetsür singles shilem indang semifinal asayatsü jenjang tanü nguogo.
Arishi küm 33 tain Serena-i Russia tsür Maria Sharapova den semifinal nung ajuruteptsü lemzükogo.
Sharapova-ia tanü points 6-3, 6-7, 6-2 ngua America tsür Coco Vandeweghe madak takok ngua semifinal asayatsü jenjang nguteta liasü.
Serena aser Sharapova na tsüngda semifinal asayatsü tan Brehostibar nü asayatsü lemzüka lir.
India nunger Rohan Bopanna aser pa den külemi asayasang, Romania nunger Florin Mergea natia points 5-7, 6-4, 7-6 (9), 7-6 (5) agi America nunger adianu, Mike aser Bob Bryan na madak takok ngua tebur doubles shilem indang semifinal asayatsü jenjang yashi Mongolbar nü ajangzükogo.
Yashi ghonda 1 ser minute 35 nung takok angur, Bopanna o Mergea nati Netherlands nunger Jean-Julien Rojer aser Romania nunger Horia Tecau na den semifinal nung ajuruteptsü.