Wimbledon 2015: Serena-i teyi Venus tsükdakja quarterfinal-i iogo

London, July 06 (Agencies): Tetsür World No. 1 Serena Williams-i teyi Venus madak takok ngua tang tasayadak Wimbledon tennis asayamong tetsür singles shilem indang quarterfinal asayatsü jenjang tanü Hombar nü ajangzükogo.
Tan agi Wimbledon takok marok 6 buba agizüktsü alizüng ayula, Serena-i tanü minute 67 nung points 6-4, 6-3 ngua Venus madak takok angu.
Winners 36 aser aces 10 tashi yanglua takok angula, arishi küm 33 tain Serena-i Victoria Azarenka mesüra Belinda Bencic na rong nung ka den quarterfinal nung ajuruteptsü.
Russia tsür Maria Sharapova-ia tanü points 6-4, 6-4 ngua Kazakhstan tsür Zarina Diyas madak takok ngua quarterfinal nung shilem agitsü jenjang nguogo.
Sharapova-i Czech Republic tsür, Coco Vandeweghe den quarterfinal asüng, Mongolbar nü asayatsü lemzükogo.
France nunger Richard Gasquet-ia tanü points 7-5, 6-1, 6-7 (7/9), 7-6 (8/6) ngua Australia nunger Nick Kyrgios madak takok ngua tebur singles quarterfinal-i iogo.
India tsür Saina Mirza aser la den külemi asayala, Switzerland tsür Martina Hingis natia tanü takok ngua tetsür doubles shilem indang quarterfinal asayatsü jenjang nguogo.
Mirza o Hingis nati tanü points 6-4, 6-3 ngua Spain tsür Anabel Medina Garrigues aser Arantxa Parra Santonja na tasembuba round nung tsükdaktsü.