Wimbledon 2017: Hingis aser Jamie nati temeyoktep tarep akok

London, July 17 (Agencies): Swiss tsür Martina Hingis aser Scotland nungi Jamie Murray nati Henri Kontine aser Heather Watson-na madak 6-4, 6-4 agi Deobarnü Wimbledon 2017 temeyoktep tarep tennis asaya nung takok ngua Hingis atema Grand Slam takok 23 ngutetogo.
Switzerland nungi Roger Federer-i Wimbledon nung otsü yanglua ti benbuba tebur kija final asaya takok nguteter ghonda ka shi lir kasa lisobur Hingis-i tarep asaya nung takok angu.
Hingis aser teburtem kija tennis asayar World No. 1, Andy Murray tenu Jamie Murray nati Finland nunger Kontinen aser Britain nunger Watson-na madak mela mela takok angu.
Arishi küm 36 tain, Hingis-i temeyoktep Grand Slam takok trok ngutetogo, tetsür tarep indang Grand Slam takok 12 aser kija asaya pongu koka lir. Lai Wimbledon 1997 nunga kija asaya nung takok nguteta lir.
Jelena Jankovic den külemi Wimbledon asayamong temeyoktep tarep nung takok ngur küm ter sülen Jamie Murray-i iba takok marok ngutet.
Arishi küm 31 tain, Jamie-i tebur tarep 2016 küm Australian Open aser US Open koka lir.