Wimbledon: Djokovic 3 buba round nung tsükogo

London, July 02 (Agencies): America nunger Sam Querrey-i defending champion, Serbia nunger Novak Djokovic tsükdakja tang tasayadak Wimbledon tebur singles 4 buba round-i tanü, Honibar nü iogo.
Tan asayamong nung 28 buba jenjang abensang, Querrey-i points 7-6 (8-6) 6-1 3-6 7-6 (7-5) agi tebur World No. 1, Djokovic  tsükdaktsü.
Tan tamakok anguba ya Djokovic-i 2015 French Open final nung tamakok ajuruba sülenbo tan mezüngsüa tamakok ajurur lir.
Japan nunger Kei Nishikori-ia tanü points 7-5 6-3 7-5 agi Russia nunger Andrey Kuznetsov  akokba sülen Croatia nunger Marin Cilic den 4 buba round asayatsü lemzükogo.
Cilic-ia ace 9 tashi yanglua points 6-3 6-3 6-4 agi Slovakia nunger Lukas Lacko madak 3 buba round asaya koka liasü.
Germany tsür, Angelique Kerber-ia points 7-6(11) 6-1 agi külem sensotsür, Carina Witthoeft madak takok ngua tetsür singles 4 buba round-i iogo.
Arishi küm 28 tain Kerber-i Japan tsür, Misaki Doi mesüra Germany tsürsa, Anna-Lena Friedsam den 4 buba round asayatsü.
Romania tsür, Simona Halep-ia points 6-4 6-3 ngua, Netherlands tsür, Kiki Bertens tsükdakja 4 buba round-i aiba osang jangjaogo.
Ano külen, India nunger Leander Peas aser Poland nunger Marcin Matkowski nati par tetenzükba asaya koka tebur doubles 2 buba round-i yashi, Hokolbar nü aiba osang jangjaogo.
Peas o Matkowski nati points 6-1, 6-3 ngua Taipei nunger Lu Yen-hsun aser Serbia nunger Janko Tipsarevic na madak takok angu aser Henri Kontinen-John Peers mesüra Nicholas Monroe-Donald Young na den 2 buba round nung ajuruteptsü.
India nunger Rohan Bopanna aser Romania nunger Florin Mergea natia points 7-5, 7-6 (6) agi Croatia nunger Marin Draganja o Nikola Mektic na 1 buba round nung tsükdaktsüba osang angazükogo.