Wimbledon: Serena Williams 2 buba round-i iogo

London, June 28 (Agencies): Tetsür defending champion, Serena Williams-i Switzerland tsür, Amra Sadikovic madak tetenzükba asaya koka tang tasayadak 2016 Wimbledon asayamong tetsür singles shilem indang 2 buba round-i tanü, Mongolbar nü iogo.
America tsür, Serena-i points 6-2, 6-4 ngua tetsür World No. 148, Sadikovic madak ayong ayonga takok angu.
Arishi küm 34 tain Serena-i tan agi 7 buba Wimbledon takok marok aser tongti tennis asayamong takok marok 22 buba agizüktsü alizüng yua lir.
Tetsür World No. 1, Serena-i külem sensotsür, Christina McHale den 2 buba round asayatsü lemzükogo.
Tebur singles shilem nung Australia nunger Nick Kyrgios-i points 6-4, 6-3, 6-7 (9/11), 6-1 ngua Czech Republic nunger Radek Stepanek tanü 1 buba round nung tanü tsükdaktsü.
Arishi küm 21 tain Kyrgios-i Germany nunger Dustin Brown den 2 buba round asayatsü.
Ano külen, Switzerland nunger tennis asayar, Roger Federer-ia points 7-6 (7/5), 7-6 (7/3), 6-3 agi Argentina nunger Guido Pella madak takok ngua 2 buba round-i yashi, Hombar nü aiba osang angazükogo.
Taoba mapang Wimbledon takok marok 7 ben tashi agizüksang, Federer-i Britain nunger Marcus Willis den 2 buba round nung ajuruteptsü.
French Open champion, Garbine Muguruza-ia points 6-2, 5-7, 6-4 agi Italy tsür, Camila Giorgi 1 buba round nung tsükdakja 2 buba round-i yashi aiba osang jangjaogo.
Tan asayamong nung 2 buba jenjang abener Spain tsürla, Muguruza-i Slovakia tsür, Jana Cepelov den 2 buba round asayatsü.