Windows PC aser Apple Mac nung WhatsApp amshitettsü

New Delhi, May 11 (Agencies) : Nisungtemi kanga sapua amshiba WhatsApp ta ajaba messaging app ya Windows aser Mac systems nunga amshitsü yangluogo.
Ajisüaka, desktop atema WhatsApp app ji Windows 8 ser tema aser Mac OS 10.9 ser tema nungang amshitettsü, ta company-i metetdaktsü.
“Desktop app tasenbaji nü indang mobile device melena amshitsü akok, iba ajanga nai ner medemer aser kinunger den message sütettsü” ta company sangdong nungsa metetdaktsü.
Nü indang desktop nung amshitsü atema ‘https://www.whatsapp.com/download’ nungi tamasa app download asütsü aser iba sülen app ji lapoker smartphone ajanga QR code scan asütsü.
Ita aika tendanga arur, Facebook-i Windows 10 nung Facebook aser Messenger apps tenzük. Parnokisa Windows 10 mobile atema Instagram app yanglushiogo.