Windy Ward Youth Union-i pelaba sangdonger

Dimapur, May 4 (TYO) : May 1, 2016 anepdang yipru tesashi ajanga teraksa jenti ajurur nübortem aika ammang tia nung aliba mapang, Changtongya Town nung aliba Dept. of Power, Executive Engineer-i anir staff ajaki nüken-belem arema, kanga meranga light tesem aika nung raksa aliba, tekaratiba nung yanglua, Changtongya Town aser temeket yimtsüngtem nung aliba nübortem anisüngzükdaktsüba asoshi Windy Ward Youth Union, Changtongya Town ajanga Department dang kanga pelaba metetdaktsü, ta sangdong ka nung ashi.
Tarutsü nung nenok mapa tajung maneni moajang ta Sp. Toshiba Jamir, President Windy Ward Youth Union, Changtongya Town-i sangdong nung metetdaktsü.