Winslet-i Woody Allen’er tesüsaba film nung shilem agitsü

Los Angeles, June 22 (Agencies): Nüngtugu Hollywood actress, Kate Winslet-i film yanglur mongin, Woody Allen’er tesüsaba film nung shilem agitsü atema tatem küma jembitepba osang angazükogo.
Arishi küm 80 tain Allen-i par tesüsaba film otsü züluba den külemi, iba film direct asütsü teremenshiba agitsü tenzükogo saka film tenüngbo tanü tashi jateta mali.
Ano, film otsüa tangar dang memetetdaktsüi aliba osang ka Variety osangi metetdaktsüogo.
Allen den külemi, Letty Aronson aser Edward Walson nati iba film ya produce asütsütsü renema lir.
Arishi küm 40 Winslet-i küm 20 shi film balala nung shilem agia arudang tanü tashi Allen-i direct süa yangluba film ka nung danga shilem agia mali.
Ano külen, Winslet-i Will Smith den aroki tongti shilem agiba film, ‘Collateral Beauty’ tawa tembanga yangluba oang jangjaogo.
Lai maneni ‘The Mountain Between Us’ film nung Idris Elba den aroki shilem agitsü tenzüka lir.