Wiz Khalifa-i taküm September ita nung India nung shilem agitsü

New Delhi, August 07 (Agencies): Rap kentener, Wiz Khalifa-i taküm September ita nung India semdangtsü.
‘See you again’ ken atensang, Wiz Khalifa-i taküm September 14 nü Delhi nung aser September 15 nü Mumbai nung ken atentsü.
“Sunburn Arena ajanga New Delhi aser Mumbai nati multi-platinum superstar Wiz Khalifa anir arutsü. Renema liang, Wiz Khalifa-i September ita nung ner yimti semdangtsü,” ta Sunburn Arena music festival indang official Instagram page ajanga metetdaktsü.
Chief operating officer, Percept Live, Karan Singh-i, “Onoki Season 13 tenzüka kanga sempet alir Wiz Khalifa, Mumbai aser Delhi NCR nati anir arutsü. Item Sunburn Arenas ajanga asen fans nem taküm December ita nung mega Sunburn Festival jelia pa anir arutsü,” ta metetdaktsü.
Yaküm-a Khalifa-i Goa nung ayongzükba multi-genre music festival, Time Out 72 nung shilem agia liasü.