Wokha aser Mon nung e-Marathon agiogo

July 6, 2015 nü Wokha Deputy Commissioner, A. Robin Lotha-i e-Marathon nung shilem agirtem den külemi agiba noksa angur.

Dimapur, July 6 (TYO) : July 6, 2015 nü linük den liro medema Wokha nung e-Marathon sentong ayongzüka agi.
Iba sentong ya District Administration aser Information Technology & Communication (IT & C) Department nati külemi ayongzük aser Wokha Deputy Commissioner, A. Robin Lotha-i tenzüktsü.
Tebur aser tetsürtem ajak meyokteper nisung 85 tashi asemtepba nung shilem agi aser tetsürtem rongnung mezüngbuba jenjangji Liah Yanthan (DBHSS), tanabuba nung Nchumbeni Ezung (DBHSS) aser tasembuba nung Orenboni Tsopoe (DBHSS) nungertemi takok angu.
Teburtem rongnung mezüngbuba jenjangji Longshithung R.Kithan (DBHSS), tanabuba nung Yentsao (Mt.Tiyi College) aser tasembuba nung Chinchanbemo O.Kithan (DBHSS) nungertem takok angu.
Takok angur nem kulikaket agütsüba den smart phone ka ka agütsü aser consolation prize angur nem 8 GB pen drive ka ka agütsü.
Mon Headquarter nunga Digital India Week nüngtem nung e-Marathon ayongzüka agiogo.
July 6, 2015 nü DIET Center nungi Mon SDO (Civil), Ilika Zhimomi, NCS-i eMarathon tenzüktsü.
DIET Center nungi Local football ground tashi asemtepba nung Mon Town Students Union, Wangkhao College, GHSS Mon-A aser GHSS Mon Town-B nungi kaketshir noklang ka asemtep.
Ano, DRDA office aser BDO office, Mon nunga Digital India Week dak sendakba sentongtem ayongzüka agi.