Wokha aser Zunheboto na nung election atema terenemshiba asadang

Dimapur, Aenjeti 17 (TYO): Taruba Nagaland Assembly Election atema Wokha aser Zunheboto na nung terenemshibaa asadangba senden ka Aenjeti 16, 2018 nü Deputy Commissioner’s Conference Hall, Wokha nung menogo.
Iba senden nung Deputy Election Commissioner (DEC), Nagaland In-charge, Sudeep Jain, CEO, Nagaland, Abhijit Sinha, IAS, IG Range, Wabang Jamir, DIG, CRPF, Sarabijit Singh, Wokha aser Zunheboto DC aser SP nunger aden.
Senden nung DEC, Sudeep Jain-i district anaprongla nung taruba election atema mapa inyakba balala asadanga liasü.
Paisa, DC anaprong aser SP den ROs dang election junga agitettsü atema pei nem lemzüktsüba mapa kanga nendaka inyaktsü metetdaktsü.
DEC-isa ROs dang polling stations ajak semdangtsü aser nüburtem nem EVMs aser VVPAT indang metetdaktsütsü mepishi.
Sudeep Jain-isa Election Commission indang tesemtem nung temelenshi lir, anungji mapang shidak nung mapa inyaktettsü, ta ashi.
Paisa, aibelen masütsü atema ketdangser ajaki mapa balala ajak rajema metea inyaktsüla, ta ashi.
Paisa polling station ajak nung electricity, sanitary aser tzü supply alitsüla iba den külemi nüngdakba ajak inyaktsüla, ta metetdaktsü.
Wokha aser Zunheboto nung DC aser SP napronglai parnoki inyaka arubatem aser security atema terenemshiba indang metetdakja liasü.