Wokha district atema DOPT training tenzükogo

Dimapur, November 15 (TYO) : Wokha district nungi tawa tasen shimba Group-B & C State Government employees atema anogo 12 nü induction training programme, November 15, 2016 nü tenzükogo.
Iba training ya DOPT ajanga teyari agüja agir aser Wokha DC indang conference hall nung tenzük.
Iba sentong nung tetushi süa jaokerji Wokha ADC, Hotolu Swu liasü aser pai o jembidang, training nung adenertemi pei mapa shitak inyaka otettsü asoshi kanga junga angazüktsü ayongzük.
Wokha district atema ITP Course Co-coordinator, Dr.Rongsen Longkumer-i okila jembidang, technology ajanga temelenshi aika adokba mapang sorkar mapa inyakertemi akhi inyakyim dang amshir aser iba nung temelenshi bener arutsü atema iba training agir, ta ashi.
Iba training ya Administrative Training Institute, Nagaland Kohima-i District Administration den yaritepa ayongzüker aser shisalen sayurtemji- Thungchanbemo Tungoe SDO (C) Ralan, Imliakum EAC Aitepyong, Zhavituou Asstt. Professor Mt. Tiyi College Wokha, Libemo Asstt. Professor MTC, Johnny Patton PGT, GHSS, Wokha aser Chief Team Metamorphosis Thungtemo Kyong nungertem lir.