Wokha District nung BLOs training agi

Dimapur, October 14 (TYO): October 13, 2017 nü Wokha Deputy Commissioner indang Conference Hall nung Assembly Constituency ana- 37-Tiyi aser 38-Wokha nung BLOs atema Special Summary Revision, 2018 training agiogo.
Iba training ya arishi küm 18 nungi 21 tsüngdapurtem vote agütsütsü atema züngokba dak sendakba nung agi.
ECI Revision Schedule apibo Wokha District atema Special Summary Revision, 2018 tenzükadokogo.
Wokha District atema E/Roll Observer, Commissioner & Secretary, Industries & Commerce, N. Hushile Sema-i Wokha anogo ananü semdangdang lai, linük aser state naprong nung BLOs shilem 90 bo tesayurtem lir, ta metetdaktsü.
Laisa, parnok ya linük nung shisaliok prokba nung tongtiret dang masü saka linük nung election inyakyim takok ngua inyaktettsü atema tongtiret lir; parnok medenibo linük tejakleni moutettsü, ta ashi.
BLOs teinyaktsü shilem dak sendakba nung N.Hushile Sema-i parnok dang district aser state naprong nung election inyakyim takok ngua inyaktsü atema kanga nendaka inyaktsüla, kechiyong ibaji tulubaka nenok dak keta lir, ta ashi.
Okila jembidang DEO aser Wokha DC, Wezope Kenye-i district nung E/Roll Observers pelaa agizükba den külemi BLOs tem kanga junga renema aliba aser parnok teinyaktsü junga angateta aliba atema pelaba lemsatep.
Paisa, taruba state assembly election agitsü atema district renema lir, ta ashi.
Master Trainers tem rongnung AERO, 38 A/C & SDO (C), Lanusenla Longkumer, AERO, 37 A/C & EAC (HQ), Vejoyo Swuro aser AEO, Wokha, Toshimongba Longchar nunger liasü.