Wokha District nung General & Police Observers senden amen

Wokha, Tsüklai 10 (TYO): Tsüklai 09, 2018 nü Deputy Commissioner Conference hall, Wokha nung Wokha district kübok 37 aser 38 Assembly Constituencies atema General Observer, Man Mohan Chaudhary, IAS aser Wokha district atema Police Observer, Sunil Kumar nati RO, AROs aser Sector Magistrate tem den senden ka mena liasü, ta tanü ketdangsertem osang ka ajanga metetdaktsü.
Iba senden nung Deputy Commissioner & District Election Officer Wokha, Dr.Manazir Jeelani Samoon, IAS-a aden.
DC & DEO-i nüburtem dang, public holidays dak alaka tanga anogotem nung office mapang nung Deputy Commissioner office nung anepdang 9:30 nungi 10:00 ako tashi General Observer den public interview agitettsü, ta metetdaktsü.
Iba senden nung Observer-i ketdangsertem dang melung melemtetba tesemtem nung kanga yakyaka mita inyaktsü aser tim masüba tatalokbatem osang lira tim ketdangsertem nem metetdakjang, ta metetdaktsü.