Wokha District nung Voters Awareness Forum tenzükogo

Wokha, January 16 (TYO): January 16, 2019 nü Wokha Deputy Commissioner Conference Hall nung Voters Awareness Forum tenzükba sentong agiogo, ta tanü ketdangsertem osang ka ajanga metetdaktsü.
Department balala, melungtet teloktem aser lokti tentet balala nungi shimba Nodal Officers den jembidang SDO (C), Chonpenthung Ezung-i, Election Commission of India-i voters nem pei temeden metetdaktsütsü atema iba Forum tenzükogo, aser iba ya ajanga organization shia nung mapa inyaker ajak nem voters shisatsü agutsütsü, ta metetdaktsü.
Sentong nung AEO Wokha, Aketo Shohe-ia, kobi melii Nodal officers nem training agutsütsü, ta shia ajak dang amalitepa inyaktsü mepishi.
Iba sentong ya AEO, Wokha leniba nung agia liasü.