Wokha nung ACAUT teloki onük 7 renem

Dimapur, June 13 (TYO) : Wokha nung ACAUT telok June 11, 2016 anogo nung senden alidang Wokha district nung tenteta aliba lokti tentet 14 den GB-tem lia Naga nunger linük tenzüker telok shinga nema saru magütsütsü lemtetogo aser ibaji linük tenzükertemi mangara tamashi asütsü ta metetdaktsüogo.
Item  telemtetba tenet rongnung kaji, “yimtsüng mesüra lenir mesüra ACAUT lenir ka danga telok kari jaokra mesüra pura, Lotha nunger ajak iba yim denji mesüra nisung denji külemi alitsü asoshi apusotsü,” ta lateta lir.
Naga lima nung teti asoshi yimten telatetba tajung ka arudaktsünüra, iba ama telemtetba ya kecha tsübua melii Nagaland nung district ajak nung latettsüla ta ACAUT Nagaland ajanga metetdaktsü.
Lotha nungertemi Naga nungertem dang telongjem nung tashi aser terenlok lir ta sayutetogo ta ACAUT telokisa metetdaktsü.
Ano, kasa osang ajanga angazükba agi, ACAUT Nagaland  teloki  Wokha town nung NSCN-IM Town Commander  anema FIR agütsüogo.