Wokha nung awareness drive agiogo

Dimapur, Metsüremi/March 22, 2020 (TYO): District Nodal Officer NTCP Wokha, Dr. Meribeni Odyuo-i anir Indian Dental Association, Nagaland State Branch, Wokha Unit ajanga march 20, 2020 nü Wokha jila kübok Police point nung Oral health awareness drive ka ayongzüka agiogo.
Oral Health Day anogomung shilem ka ama “Unite for Mouth Health” omen nung ajemdaker iba sentong ya agia liasü. Iba anogomung nüngtem nung, oral health aser Corona Virus indang leaflet tem süisüpongertem nem lema agütsü. Nübur nem angati lema agütsüba osettsüset ya Indian Dental Association Nagaland Branch-i tenla agüja liasü.
Iba sentong nungsa nüburtem dang teka shidaokba yimya sayu aser teintet rogu parnok 90 nem mask lema agütsüogo.