Wokha nung gari lenmang merüktet

Wokha, Luroi/August 04 (TYO): EE (R&B) Baghty division kübok tesüiba hopta ka tashi anentsüh aluba tesemtem nung gari lenmang merükteta arudar, ta ketdangsertem osang ka ajanga metetdaktsü.
Anentsüh aluba tesem ajunga merüktetogo, aser tangbo gari senzütettsüsa yangluogo.
JCBs amshia departmental staff temi lenmang merükteta liasü. Luroi/August 2, 2018 nungi tenzüka Er. Zanao, JE leniba nung Doyang-Okotso lenmang merükteta liasü.
Luroi/August 3, 2018 nü Sanis-Moilan lenmang merüktetdang temeket nung aliba yimtsüngtem nungi Village Council züngsemtemi departmental staff tem yarisema liasü. SDO PWD & R&B, Sanis Sub division, Er. M. Simon Humtsoe leniba nung maneni Sanis-Moilan lenmang merükteta yanglushidar, ta kasa osang ajanga metetdaktsü.
EE R&B, Er. Mhathung Kikon-i, tanü nungi tenzüka Sanis-Lakhuti-Akuk-Mekukla lenmangtema merük tenzükogo, ta metetdaktsü.