Wokha nung plastic nokdanger

Wokha, May 28 (TYO): Nagaland nung plastic amshiba nokdangba mapatong dak sendakba nung Wokha ADC aser Administrator, Wokha Town Council, Andrew C. Imti-i, Wokha nung microns 50 dang tajemba single use plastic bags, single use plastics, Styrofoam mesüra thermocol cutlery, cups aser plates amshiba nokdanger, ta metetdaktsü.
Iba dak alia July 1, 2019 nungi ml 200 aser ml 100 indang plastic bottle nokdangtsü, ibaji shishilembartem atema tang yua alibatem ayoktsü atema mapang agütsüba lir, ta sangdong nung shia lir.
Joko tang nungi shishilembar shingaia item osettsüset alitsü, rizüngtsü mesüra alemtsü memelar; iba ozüng nung aibelenra mezüng aibelenba atema senchi 2000/- aser tanaben aibelenba atema senchi 5000/- achitsü, ta kasa osang ajangasa metetdaktsü.