Wokha nung ‘Rights of Persons with Disabilities’ campaign agiogo

Dimapur, Mongputeni/October 23, 2019 (TYO): Wokha district kübok Head of Offices atema Mongolbarnü Rights of Persons with Disabilities (RPwD) Act 2016 nung ajemdaker Sensitisation & Awareness campaign ayongzükja liasü, ta sangdong ka ajanga metetdaktsü.
Iba sentong ya Office of the State Commissioner for Persons with Disabilities den Mission mode Team (Accessible India Campaign) longjemer ayongzük. Secretary to the Government of Nagaland & Team Leader, Mission mode Team (Accessible India Campaign), K.Libanthung Lotha-i mission mode team mapatong indang rasa ashiba mapang, pai Rights of Persons with Disabilities (RPwD) Act 2016 takok ngua amenoktsü atema state nung külem sendaktepa alirtem (sorkar tenzüker aser NGOs naprongla) dang angatetdaktsütsüla aser tekümdangtsü sangdongtsüla, ta ashi.
Lotha-i ashiba agi, Accessible India Campaign ya RPwD Act 2016 shilem ka aser matamabensartem ajangzükdaktsütsü atema India sorkari tenzüktsüba linük rangben sentong ka lir. Iba campaign nung shilem asem – inbuilt environment, transportation system aser information & communication eco-system densema lir, ta paisa ashi.
Supreme Court of India-i Rights of Persons with Disabilities (RPwD) amenoktsü atema tuyuba nung ajemdaker Nagaland state nunga February 5, 2019 nü Mission mode Team (Accessible India Campaign) tenzüka liasü, ta Lotha-i shisem.
Sentong nung Lotha-i, Nagaland nung AIC Mission mode Team-i sensitisation & awareness campaign sentong ayongzüktsüba ya Wokha district tasembuba asütsü, koba tanüngba district nunga iba sentong atonga agitsü, ta metetdaktsü.
Nagaland nung AIC mode Team-i sorkar office aser reju 29 semdanga asadangogo aser state sorkar nem iba report metetdakja liasü, ta Lotha-i ashi.
Maneni, sentong nung Nagaland : Challenges & Opportunities indang nung Director Prodigals Home, Dimapur K.Ela-i jembi aser court directive /legal implication of non-compliance indang tongtibang shilemtem Advocate, Guwhati High Court Kohima Bench Apila Sangtam-i metetdakja liasü.
Sentong nung DC, Wokha, Dr. Manazir Jeelani Samoon IAS mendenbuba liasü, ta kasa sangdonga ajanga metetdaktsüogo.