Wokha nung ‘scrutiny’ agiogo

Wokha, Monupii/May 29 (TYO): Tanü DC’s conference hall, Wokha nung Wokha district kübok constituency pezü atema ‘scrutiny’ maparen inyakogo; iba mapang nungji Observer Ravinder Singh, ARO Dr. Manazir Jeelani Samoon, AEO Aketo Shohe, Youth Wing-NPF, Wokha Division, Media Secretary-NDPP aser DPRO N. Stephen Ngullie nunger liasü, ta ketdangsertem osang ka ajanga metetdaktsü.
Candidate indang agents dang scrutiny inyakyim indang tejangja metetdaktsü. Assembly Constituencies sasep nung 37-Tyui mezüngbuba sür 38-Wokha, 39-Sanis aser 40 Bhandari AC atema scrutiny agi.
Monupii 28, 2018 nü polling mapang 38-Wokha AC nung tatalokba kar nung ajemdaker yimtenren party kari tebang agi ken o agüja liasü. Item kenoji Sector Magistrates-i bushisüngdang saka tajemdakdak kecha mangu. Mepetmesü kecha mataloki polling inyakyim ajak tiptema agiogo.
Scrutiny mapang nung agents shingaia polling indang ken o mebenok, anungji iba maparen junga tembangogo aser Wokha district kübok 37, 38, 39 aser 40 ACs nung repoll agitsü menüngdaker, ta kasa osang ajanga metetdaktsü.