Wokha Police-i Literacy tetoktepba ayongzük

Wokha, Chiteni/July 29, 2019 (TYO): Superintendent of Police, Wokha, Manoj Kumar, IPS lenisüba nung Wokha Police-i July 27, 2019 Honibarnü “Plastic Free Nagaland” omen kübok literacy competition (Debate, Essay aser Painting) sentong ayongzüka liasü.
Iba tetoktepba sentong ya Wokha district nung alir police chirnurtem school balala nung azünger atema ayongzükja liasü.
Sentong nung SP manoj Kumar-i o jembiba mapang pai, Police Reserve temüket aser telungtet nung plastic mamshitsü aser libajen tepor junga kümdaktsütsü asoshi mepishia liasü. Iba denji külemi plastic mamshiba libajen asoshi ambassador kaka akümtsü asoshi pai kaketshirtem ajungshi.
SDPO Wokha, Imkongsangba Jamir-i sentong nung adener ajunga pelashishia agizüka aser iba tetoktepba nung tajungtiba agi shilem agitsü asoshi kaketshirtem dang ashi. Jamir-isa iba tetoktepba sentong ayongzükba nükjidong indang rasa ashi.
O intepba (Debate Competition) nung Regimental School (RS) nungi Mharoni Mozhui-i first angu. Mercy M Tsopoe (RS) aser Lochumbeni C Odyuo (RS) nati tanabuba aser tasembuba jenjang nung takok ngua liasü.
Kasa tetoktepba sentong Otsünu zülutepba nung Santsuo School nungi Thechano Ezung-i mezüngbuba jenjang nung takok angu. Kasa mapang Regimental School nungi Epilo M Ngullie aser Don Bosco Higher Secondary School nungi Zadeno aser Regimental School nungi Nzanbeni nungeri takok ngua liasü.
Painting tetoktepba nung Regimental School nungi Nongo A Odyuo-i mezüngbuba jenjang nung takok angu; aser kasa school nungi Lithungo Humtsoe aser Lansothung nati tanabuba aser tasembuba jenjang nung takok ngua liasü.
Maneni, Police Reserve telungtet nung plastic free environment atema SP Wokha-i sentong ayongzükba ya tan agi sentong tasembuba asütsü. Iba sentong den repsema tanga inyakyimtem, talisa banner malokba, signpost aser paper bag yangluba nung workshop sentong tem ayongzüka agiogo.
Literacy competition atema tetendanger temji Wokha OC, UBSI Anito, NK Renbei aser Regimental School, Head Master, Edward Ngullie nunger liasü.