Wokha town nung alirtemi ULBs election magizüker

Dimapur, January 09 (TYO): January 8, 2017 nikongdang 2:00 ako nung Lotha Hoho-i ayongzüka Town Hall, Wokha nung Kohima Lotha Hoho aser Dimapur Lotha Hoho densema Lotha lokti tentettem ajak, Wokha jila nüburtem aser temeket yimtsüngtem nung nüburtem senden ka mena tang Urban Local Bodies (ULBs) Election atema o lemtepa liasü, ta Lotha Hoho Mendenbuba, Mhao Humtsoe aser Tongti tezülur, Mhondamo Ovung nati tanü sangdong ka ajanga metetdaktsü.
Iba senden nung adener lokti tetettem aser nüburtemi Nagaland Municipal Act 2001 nung ozüng balala, Arrla 371A anema inyakba onüktem lemtepa liasü. Candidate aika densema lenir aikati tarutsü Naga nüburtem ajungtsü atema Naga tentettemi lemtetba pusemtsü bangjem iba den külemi Arrla 371A temetentem kümzüka ayutsü bangjemogo, ta kasa sangdong nung shia lir.
Senden nungsa, Wokha aser Bhandari jila nung ULBs election nung toktepner shirnoksa tenüng agüja lir , parnoki tangsa tenüngji agientsüla ta tetuyuba agütsü atema lemtet, ta Lotha Hoho sangdong nungsa metetdaktsü.