‘Wolverine 3’ tenüng ‘Logan’ ta melenogo

Los Angeles  October 6, 2016 : Actor Hugh Jackman-i tongti shilem agiba  “Wolverine” film shilem asembuba tenüng “Logan” ta melenogo.
Iba film indang official poster aser tenüng tasenba Bodhbarnü Jackman-i twitter nung saya, ta aceshowbiz.com
“Logan” ta asüba tenüng ya Jackman shilem chijiba tenüng lir. Iba poster nung tanür kati tongti shilem agisang, temezüng talang keta aliba teka nung soter adoka lir.
Iba dak alaka director James Mangold-ia iba film indang otsü tatsüka Twitter nung lemsatepa lir. Pai lemsatepba otsü nungji iba film nung asenoki angutsü aliba Logan indang otsü tejen kanga jangja shia lir. Iba den külemi ano Logan-i ‘The Bangers’ telok den züktepba otsüa tatsüka shisema lir.
“Pa joko tainba akümer aser tangbo pa tesüiba mapang ama kanga teyakyak masü. Pa telung nung tashi mait akümer aser pa aneptsü ain ajema akümba ajanga yi dangi meyiper,” ta otsü nungji shia lir.
“Logan” film ya March 3, 2017 nung sayatsü sentong lir.