Women’s Asian Champions Trophy: India tsürtemi Malaysia akok

Singapore, November 01 (Agencies): India’er tetsür hockey teloki goal 2-0 agi Malaysia tsürtem madak 3 buba pool asaya koka, tang tasaydak 4 buba Women’s Asian Champions Trophy asayamong nung tanü, Mongolbar nü shilem agiogo.
Tan takok anguba sülen India tsürtemi ajak agi points 7 ajangzüka, Korea, China, Japan aser Malaysia teloktem den temaba jenjang angur telok kümogo.
Tanü asaya tenzüker minute 7 buba nung Poonam Rani-i field goal 1 takok ngua agüja, par India telok temaba jenjang nung ajungkettsü.
Malaysia tsürtemia goal-ji meyiptsütsü nükjidong nung goal agütsütsü meranga asaya saka India goalkeeper, Rajani-i goal ka dang meidaktsüi kanga junga asaya.
Tesülen, asaya tenzüker minute 45 buba nung Deepika-i penalty corner ball agizüka, tanabuba aser takokba goal agüja, par India telok nem takok ngudaktsü.
Tan takokba goal takok ngua agütsüba sülen Deepika tan asayamong nung goal timtiba agütsür asayar kümogo.
India tsürtemi par taruba asaya China telok nem tan November ita 4 nü asayatsü lemzüka lir.