Work charged purtem ita sen reprangshitsütsü

Kohima, March 01 (TYO) : Nagaland sorkar nung work charged aser Casual nung inyakertem ita sen reprangshia inyaktsü atema state sorkari sentong ka renema lir aser iba sentong ajanga work charged nung inyakertem tang shirnoksa 1993 küm latettsüba ROP nung ita sen (scale of pay) ngua lir aser shirnoksa ano maneni work charge nung inyaktsü bilema ali, parnok ita senji 01:01:2015 anogo nungi reprangtsü. Iba denji ano casual nung inyakertem shirnok ita sen fix nung ngua lir, parnok ita senjia reprangshitsü.
Tang tashi nung department kobasa workcharged purtem ita sen mereprangshii ali, itemji reprangshitsü mepishir aser itemji District Level Verification Committee ajanga dang tesüsa telemtetba agütsütsü.
Ano, department kar nungbo work charged nung inyakertem mejangjashii alitsü, anungji itemjia jangjashir parnok ita sen repranghitsütsü asoshi department shiai parnok tenüngji pei pei Deputy Commissioner nem agütsütsü mepishia sorkar sangdong ka ajanga metetdaktsüogo.