Working Committee NNPGs-i metetdaktsür

Dimapur, Luroi (August) 3 (TYO): India sorkar aser Working Group tsüngda telemtetba ka agitsü mapang tonga arur anungji NNC (Parent Body) züngsem kari mangateti tai tongloktsütepba aser obang meputepi raratepba anener asangsang nung mapa inyakba angatettsüla, ta Working Committee (WC) NNPGs-i metetdaktsü.
Indo-Naga khuret angatetteptsü ya Naga nunger ajak taginüba lir anungji pei atema bilema inyakba lennirtem matatsü. Central Executive Council senden nung mulunga agizüka NNC(Parent Body) President Z Royim Yimchunger-i Working Committee nung Co-Convener inyaktsü atema Toshi Walling CEC member tenüng agütsü, ta Media Cell, WC, NNPGs sangdong ka nung ashi.
Iba shidiji WC Convener ket nung lir aser iba nung India sorkar den olemtepba nung Toshi Walling-i Co-convener ka ama NNC(Parent Body) tenüng nung shilem agitsü shia lir ta sangdong nungsa metetdaktsü.