World Archery Championship nung India-i silver angu

Copenhagen, August 2 (Agencies): Tanü Deobar nü World Archery Championships nung India team-i Russia den tatembangbuba lasang kashishiba nung makokba ajanga tanabuba jenjang ngua silver medal nguogo.
India team nungi Deepika Kumari, Laxmirani Majhi aser Rimil Buriuly nungeri tetenzük dangbo Russia aoksadaktsü. Parnok Russia madak 4-0 agi jenjang tajungba liasü. Aji oda süaka iba sülen set ana makokba ajanga parnok 27-28 aküm.
Iba asayamung nung Rajat Chauhan-i Honibar nü kija tarensen nung silver ka anguba den tetsür par asemi anguba ya zünga India nungeri silver medal anabuba angur asütsü.
Iba den külemi ano India nunger tasembuba medal arishidar aser Laxmirani-a kija tarensen nung bronze medal atema tokteptsü anünga lir.