World Athletics: Wayde South Africa’er 1 buba Sprint Champion akümer

Beijing, August 26 (Agencies): Tang Beijing nung tasayadak World Athletics asayamong tebur 400m shilem indang alizüng mezüng tonga South Africa nunger toktepa asemer, Wayde Van Niekerk par South Africa’er mezüngbuba asemteper champion tanü Bodbar nü kümogo.

Wayde-i alizüng minute 43.48 seconds nung tonga tanü gold medal agizüka liasü.

Wayde sülen anidaka, Dominican Republic nunger Luguelin Santos-i minute 43.65 sec nung alizüng tonga silver aser Grenada nunger Olympic champion, Kirani James-i alizüng minute 43.78sec nung tonga bronze medal agizük.

Jamaica nunger toktepa asemer mongin, Usain Bolt aser America nunger Justin Gatlin natia tebur 200m final nung shilem agitsü jenjang tanü anguba osang jangjaogo.

Gatlin-i tanü semifinal nung  alizüng minute 19.87 nung tonga  tekaraba mapang nung alizüng  atonger aküm aser Bolt-ia minute 19.95sec nung alizüng tonga alizüng mezüng atonger tanabuba asemer aküm.

Czech Republic tsür, Zuzana Hejnova-ia tanü mezüng alizüng tonga maneni tetsür 400m hurdles takok marok agizüktsü jenjang ngua liasü.

Hejnova-i  minute 53.50 seconds nung alizüng tonga gold agizük aser la sülen anidaka, America tsür 2, Shamier Little aser Cassandra Tate nati minute 53.94 sec aser minute 54.02 second na nung alizüng tonga silver aser bronze medal agizük.