World Badminton: Kashyap 2 buba round-i iogo

Jakarta, August 10 (Agencies): India nunger badminton asayar mongin, Parupalli Kashyap aser H.S. Prannoy nati takok ngua tang tasayadak World Badminton Championships tebur singles shilem indang 2 buba round-i tanü Hombar nü iogo.
Kashyap-i tanü minute 31 nung points 21-17, 21-10 ngua Netherlands nunger Erik Meijs 1 buba round nung tsükdaktsü.
Tan asayamong nung 10 buba jenjang abensang, Kashyap-i Vietnam nunger Nguyen Tien Minh den tanabuba round nung ajuruteptsü.
Tebur World No. 12 Prannoy-ia tanü points 21-12, 21-16 ngua Brazil nunger Alex Yuwan Tjong madak takok angu.
Prannoy-i Uganda nunger Edwin Ekiring den tanabuba round asayatsü lemzükogo.
Doubles shilem nung Pradnya Gadre-N. Sikki Reddy na aser Akshay Dewalkar-Pranaav Chopra natia takok ngua tanabuba round asayatsü jenjang nguogo.
Pradnya o Sikki nati tanü minute 50 nung points 16-21, 21-15, 21-14 ngua Germany tsür Isabel Herttrich aser Birgit Michels na madak takok angu.
Tenati Japan tsür Shizuka Matsuo aser Mami Naito na den 2 buba round nung ajuruteptsü.
Chopra o Dewalkar natia minute 44 nung points 17-21, 21-11, 21-11 ngua Russia nunger Nikita Khakimov aser Vasily Kuznetsov na tsükdaktsüba sülen Netherlands nunger Mads Conrad-Petersen aser Mads Pieler Kolding na den tebur doubles shilem indang tanabuba round asayatsü jenjang nguogo.