World Badminton rankings: Jayaram 20 buba jenjang tongogo

Kuala Lumpur, July 14 (Agencies): Tawa asayaba US Open Grand Prix Gold badminton asayamong nung semifinal asayatsü jenjang anguba sülen India nunger badminton asayar, Ajay Jayaram-i temaleni jenjang 2 tashi atutsü maongka ngua tanü, Brehostibar nü adoktsüba badminton world rankings nung top 20 asayar rong nung densemba osang angazükogo.
Jayaram-i ajak agi points 43,673 ajangzüka tan 20 buba jenjang nung lir saka külem sensopur, B Sai Praneeth-bo tsünglangleni jenjang 2 tashi lua tang 35 buba jenjang nung lir.
Tanüngba tebur singles asayar, Srikanth, Kidambi, Samer Verma aser HS Prannoy nunger maneni 11 buba, 38 buba aser 29 buba jenjang nung marakzüi aliba osang jangjaogo.
Tetsür singles asayar tarensen nunga Saina Nehwal aser PV Sindhu nata marakzüi 5 buba aser 10 buba jenjang nung lir.
Rio Olympics nung shilem agitsü jenjang ngua alir, Manu Attri aser B Sumeeth Reddy nata maneni tebur doubles tarensen nung 21 buba jenjang nung aliba aser tetsür doubles asayar, Jwala Gutta o Ashwini Ponappa na maneni 21 buba jenjang nungsa aliba osang angazükogo.