World Bamboo Day anogomong amungtsü ayonger

Dimapur, September 17 (TYO): Dimapur kübok 6th mile Sovima nung tentetba Nagaland Bamboo Resource Centre nung tan September ita 18 nü nungi tenzüka World Bamboo Day anogomong sentong anogo ana asoshi agitsü atema Nagaland Bamboo Development Agency (NBDA)-i ayongogo.
‘A Natural Celebration’ omen nung ajemdaker ayongba anogomong tenzükba sentong nung Secretary, NCS, Khrienuo C.Metha-i Nagaland Bamboo Day wako salatsütsü aser NBDA nung Team leniri anogomong den sentakba onük jembitsü.
Patkai Higher Secondary School Choir-i benjungmong ken ka atentsü aser NBDA züngsem, Er. Imkongkemba Lkr-i senteper pela agizüktsü.
Kasaji sentongji NBDA züngsem, Dr. Tolto Metha-i anitsü aser Pastor, Sovima Baptist Church, Zabu Nagi-i sarasadem mapang agitsü.
Tan September ita 18 nikongdang 1:00 ako nungi tenzüka agitsü renemba anogomong tenzük sentong nung au süng agi osettsüset tapu balala yangluba maparen nung tongti shilem agirtem nem sempeta agütsü renema lir.