World Championships: Kidambi Srikanth 3 buba round-i iogo

Jakarta, August 11 (Agencies): India’er temaba jenjang nung alir badminton asayar, Kidambi Srikanth aser P.V. Sindhu nati pei asaya koka tang tasayadak World Championships tasembuba round asayatsü jenjang tanü Mongolbar nü nguogo.
Tan asayamong nung 3 buba jenjang abensang, Srikanth-i tanü minute 24 nung points 21-10, 21-13 ngua Australia nunger Michael Fariman madak 2 buba round asaya akok.
Tebur World No. 3 Srikanth-i Chinese Taipei nunger Hsu Jen Hao den tasembuba round nung ajuruteptsü.
Tetsür singles shilem nung Sindhu-ia Netherlands tsür Line Kjaersfeldt madak takok ngua tasembuba round-i aiba osang jangjaogo.
Tan asayamong nung 11 buba jenjang abenla, Sindhu-i tanü minute 50 nung points 11-21, 21-17, 21-16 ngua Kjaersfeldt tanabuba round asaya nung tsükdaktsü.
Arishi küm 20 tain Sindhu-i lar tasembuba round asaya Olympic champion aser tan asayamong nung 3 buba jenjang abenla, China tsür Li Xuerui den asayatsü lemzüka lir.
Taoba mapang ajurutepa 3 ben tashi asayadang, Li-i Sindhu madak 2 ben tashi takok ngua temaba jenjang ngua lir.