World Championships: Pooja Rani pre-quarter tongogo

Astana, May 20 (Agencies): India’er tetsür tsüngteper, Pooja Rani-i tang tasayadak AIBA Women’s World Boxing Championship pre-quarterfinal asayatsü jenjang tanü, Hokolbar nü ajangzükogo.
Asian Games bronze medallist, temang touzük seret 75 taret Rani-i tanü Ukraine tsür, Mariya Borutsa madak takok ngua pre-quarterfinal asayatsü jenjangji angu.
Tan asayamong semifinal asayatsü jenjang ajangzüka, Rio Olympics nung shilem agitsü temeten angutsü alizüng yur Rani-i tan asayamong nung takok ngua shilem agiba osang jangjaogo.
Ano, Olympics nung shilem agitsü temeten magütsütsü shilem nung India tsür, Nikhat Zareen aser Sonia Lather nati takok ngua pre-quarterfinal-i aiba osang angazükogo.
Temang touzük seret 54 taret Zareen-i points 2-1 agi Australia tsür, Bianca El-Mir madak takok ngua, Canada tsür, Erica Adjei den pre-quarterfinal asayatsü lemzükogo.
Seret 57 taret Sonia-ia points 3-0 agi Mongolia tsür, Gundegmaa Myagmar tsükdaktsüba sülen Germany tsür, Nomin Deutsch den pre-quarterfinal asayatsü lemzüka liasü.
Ano külen, India’er tetsür tsüngteper mongin, temang touzük seret 51 taret MC Mary Kom-i Germany tsür, Azize Nimani den aser külem sensotsür, seret 60 taret L Sarita Devi-i Mexico tsür, Victoria Torres den par 2 buba round asüng, Honibar nü asayatsü lemzüka lir.