World Championships: Saina 3 buba round tongogo

Jakarta, August 12 (Agencies): India’er tetsür badminton asayar mongin, Saina Nehwal-i Chinese Taipei tsür Cheung Ngan madak takok ngua tang tasayadak World Badminton Championships tetsür singles shilem indang tasembuba round-i tanü Bodbar nü iogo.
Tetsür World No. 2 Saina-i tanü minute 33 nung points 21-13, 21-9 ngua Cheung tanabuba round asaya nung tsükdaktsü.
Hyderabad tsürla, Saina-i lar tasembuba round asaya Japan tsür Sayaka Takahashi den asayatsü lemzükogo.
Tan asayamong nung 14 buba jenjang nung alila, Takahashi-ia tanü points 21-11, 21-17 ngua Switzerland tsür Sabrina Jaquet tanabuba round nung tsükdaktsü.
Tebur singles shilem nung Kidambi Srikanth-ia Chinese Taipei nunger Hsu Jen Hao madak takok ngua tasembuba round asayatsü jenjang tanü angu.
Tan asayamong nung 2 buba jenjang abensang, Srikanth-i tanü minute 36 nung points 21-14, 21-15 ngua Hao madak takok angu.
Srikanth-i par taruba asaya Hong Kong nunger Hu Yun den asayatsü lemzüka lir.
India tsür 2, Jwala Gutta aser Ashwini Ponnapa natia tanü tetsür doubles shilem nung takok anguba osang jangjaogo.
Jwala o Ashwini nati tanü minute 24 nung points 21-10, 21-18 ngua Chinese Taipei tsür Hsieh Pei Chen aser Wu Ti Jung na madak takok ngua liasü.
Tenati Japan tsür Reika Kakiiwa aser Miyuki Maeda na den 3 buba round nung ajuruteptsü.
H.S. Prannoy-ia minute 39 nung points 21-14 21-19 ngua Uganda nunger Edwin Ekiring madak takok anguba sülen Netherlands nunger Viktor Axelsen den taruba round asayatsü lemzükogo.