World Championships: Sonia Lather semifinal tongogo

Astana, May 24 (Agencies): Taoba Asian silver medallist, India tsür, Sonia Lather-i par quarterfinal asaya koka tang tasayadak AIBA Women’s World Championhsips semifinal asayatsü jenjang tanü, Mongolbar nü nguogo.

Tanüngba külem tsüngteper 4 pronglai tanü tamakok anguba yong temang touzük seret 57 taret Sonia ya India tenüng nung tsüngteper rong nung semifinal asayatsü jenjang angur kija akümer lir.

Sonia-i tanü points 3-0 agi Poland tsür, Aneta Rygielska quarterfinal asaya nung tsükdaktsü saka la ya Olympics nung shilem agitsü temeten angutsü asoshi ayongba tetoktepba nung madenba ajanga India-i takoksa tulu nguogo.

Rio Olympics nung shilem agitsü temeten agizüktsü tetoktepba nung shilem agir tsüngteper asempronglai tamakok ngua, Olympics nung shilem agitsü temeten mongutetsüsa akümba osang jangjaogo.

Sonia den aroki Olympics nung shilem agitsü temeten mangutsü shilem nung tsüngteper 3 – temang touzük seret 54 taret Nikhat, seret 81 taret Saweety aser seret 81 ser tema taret Seema Poonia nungeri tanü tamakok ajurua liasü.