World Cup qualifier: Japan-i goal 3-0 agi Cambodia akok

Saitama, September 04 (Agencies): Group E nung densemba Japan teloki Cambodia madak goal 3-0 agi takok ngua 2018 FIFA World Cup qualifier asaya nung shilem agiogo.

Keisuke Honda-i asaya 1 buba shilem nung goal ka agüja par Japan temaba jenjang nung ajungkettsüba sülen Maya Yoshida-i asaya 2 buba shilem tetenzüklen par telok asoshi tanabuba goal agütsü.

Asaya tembangtsü mapang nung Shinji Kagawa-i par telok asoshi tasembuba aser takokba goal agüja par Japan nem takok bener arutsü.

Tan agi World Cup nung shilem agitsü jenjang 6 ben buba atonga ajangzüktsü alizüng ayuba Japan linüki tan takok anguba sülen points 4 tashi nguogo.