World Cup Qualifiers: Brazil temaba jenjang nung lir

Montevideo, October 12 (Agencies): Brazil teloki goal 2-0 agi Venezuela telok madak takok ngua asayaba sülen 2018 World Cup Qualifiers nung shilem agir South America telok rong nung temaba jenjang ajangzüker telok kümogo.
Ajisüaka, tongti asayar, Lionel Messi madenba Argentina teloki Paraguay telok madak takok monguteti par asayar asaya liasü.
Manchester City asayar, Gabriel Jesus aser Chelsea asayar, Willian nati par Brazil telok asoshi takokba goal 2-ji agütsü.
Tan takok anguba densema, Brazil teloki par qualifying asaya 4 tashi atonga koka, asaya 10 nung ajak agi points 21 ajangzük, temaba jenjang nung alir telok kümogo.
Brazil teloki par taruba asaya Argentina telok den Paraguay kübok Cordoba nung taruba November ita asayatsü lemzüka lir.
Ano külen, Derlis Gonzalez-i asaya tenzüker minute 18 buba nung goal agütsüba ajanga par Paraguay teloki goal 1-0 agi Argentina telok madak takok ngua, points 3 ajangzüka liasü.