World Environment Day 2020 nung online tetoktepba alitsü

Dimapur, Monupii/May 15 (TYO): Libajen wazüka ayutsü atema mapa inyaktsü aser nüburtem nem metetjemdaktsütsü mecchi küm shia June 5 nung World Environment Day amunger. Sala tang COVID-19 tashidak wara tensa nung ajemdaker World Environment Day 2020 ya taoba mapang ama masü saka social distancing yimya amshia kanga kümdanga amungtsü, ta Rajkumar M. IFS, DFO Kohima ajanga sangdong ka nung metetdaktsü.
Iba dak sendakba nung World Environment Day 2020 omen, “BIODIVERSITY” nung ajemdaker angadi online ajanga tetoktepba alitsü asoshi section ana – School tanur aser Open section alitsü.
School tanur section telemsa nung Class II nungi IV tashi painting alitsü, Class V nungi VII atema Short Story, Class VIII nungi X tashi atema Poems aser Class XI nungi XII atema Poster tetoktepba alitsü.
Open section entries ya Painting (traditional touch dener) aser article zülutepba alitsü. Iba tetoktepba sentong nung shilem agitsü jangrartemi May 23, 2020 tashinung kohimadfo@gmail.com dangi mail sütettsü, ta sangdong ajanga ashi.