World Environment Day atema states/UTs dang sangdonger

Kohima, Monupii/May 30 (TYO): Ministry of Environment, Forest & Climate Change, Government of India (GoI)-i sangdong ka ajanga, Aami (June) 5, 2018 nü India sorkari “Plastic Pollution” omen nung ajemdaker World Environment Day, 2018 ayongzüka amongtsü, ta metetdaktsü.
Iba ama akhümket sentong ka ayongzükba ya India-i alima nung lenisüba jkangja nung mpoung menendaktsüba kuli balala, mokozü ajemdaktsüba aser sustainable development nung invest asüba mera ka lir, ta sangdong nung shia lir.
Iba dak sendakba nung Environment, Forest & Climate Change Minister-i state ajak nung Chief Minister tem aser Union Territories ajak nung Lt. Governors dang World Environment Day akhümketa ayongzüka amongtsü mepishia metetdaktsüogo.
Ministry-i states/UT dang lipoküm wazüka ayutsü atema awareness agutsütsü atema mepishiba den ‘Beat Plastic Pollution’ omen nung ajemdaker mapatong kar inyaktsü metetdaktsü. Item mapatong balalaji-
* School ajunga nung poster yangluba, otsüno (essay) zülutepba aser quiz tetokepba densema awareness agüja sentong akatsü.
* Yimti aser jilatem nung janaona merüktettsü
*Aami (June) 5, 2018 nü office aser tanga kiojen ‘green lights’ agi sangwadaktsütsü
*Osangkaket aser social media ajanga nüburtem nem awareness agütsütsü
* Sorkar agency temi plastic tapu ajak amshiba nokdangtsü atema sangdong agüütsütsü
Iba dak alia States/UT-i Aami 5, 2018 tashi nung asalentong balala benoka inyaktsü akok, ta sangdong nungsa shia lir.