World Environment Day tenüng nung lokti nübodoka mapa inyaktsü

Dimapur, May 20 (TYO) : June 4, 2016 nü Nagaland sorkari World Environment Day amungtsü telemtetba agiogo. Iba anogo amungba tamaitsü state ajunga nung anepdang 6:00 ako nungi 8:00 ako tashi lokti nübodoka mapa inyaktsü.

Iba dak sendakba nung Mokokchung Deputy Commissioner, Sushil Kumar Patel-i ward ketdangser ajak dang pei pei ward nung lokti nübodoka mapa inyaktsü atema nübortem dang ashitsü mepishia metetdaktsü.

Mokokchung DC-isa, iba mapa nung Government Department/ Educational Institutions ajaki yaritepa inyaktsü aser district Office ajaki office complex nung jana endokdak yanglutsü tetuyuba agütsü.