World Olympic Qualifiers: Sumit o Satish na 2 buba round tongogo

Baku, June 18 (Agencies): India nunger tsüngteper 2 – Satish Kumar aser Sumit Sangwan nati pei tetenzükba asaya koka International Boxing Association (AIBA)-i ayonga agiba World Olympic Qualification asayamong 2 buba round-i iogo
Asian Games bronze medallist, Satish-i points 3-0 agi Tonga nunger Manase Kaho Raikadroga temang touzük seret 91 ser tema taret shilem nung tsükdaktsüba sülen Ireland nunger Dean Gardiner den 2 buba round asayatsü lemzükogo.
Arishi küm 23 tain Sumit-ia points 3-0 agisa Trinidad nunger Andrew Fermin seret 81 taret shilem nung tsükdaktsüba sülen Colombia nunger Juan Carlos Carrilo Palacio den 2 buba asayatsü jenjang angu.
Ajisüaka, külem sensopur, Dheeraj Rangi points-i 1-2 ngua Mexico nunger Lindolfo Garza nem seret 60 taret shilem asaya kokdakja tamakok ajurua liasü.