World Para Athletics Championships nung Amit Kumar-i silver medal angu

London, July 17 (Agencies): Hombarnü World Para Athletics Championships nung India nunger Amit Kumar Saroha-i teburtem club throw F51 competition nung silver nguogo.
Saroha-i club tasembenbuba merepba nung m30.25 merepteta silver medal koktetogo. Kasa mapang nung Haryana nungi para-athlete yagi iba saya nung Asian record tasen ka yanglutetogo.
Serbia nunger Zeljko Dimitrijevic-i iba asaya koka liasü. Pai club m31.99 merepa world record yangluogo.
India nunger asayarsa Dharambir-i 10buba jenjang tongtet. Pai club m22.34 merepteta liasü.
Arishi küm 32 tain India nunger yagi kasa asayamong 2015 küm Doha nung asayadang kasa asaya nung silver medal nguteta liasü. Pai maneni 2014 Incheon Asian Para Games nung gold medal ngutetogo.
Saroha ya India nunger ‘quadriplegic’ rongnungi mezüngbuba asayar lir aser pa tebur discus throw F52 final asaya nunga Mongolbarnü shilem agitsü.
July 14 nü Sundar Singh Gurjar-i tebur javelin tsüshishiba nung gold medal ngua liasü.