World Para Swimming Championship nung Kanchanmala Pande-i otsü yanglu

Mexico City, December 08 (Agencies): Tenük tapok tzüwar, Kanchanmala Pande-i Brehostibarnü otsü tasen yanglua Mexico nung tang tagidak World Para Swimming Championship nung India nunger rongnung mezüngbuba gold nguogo.
S-11 category indang 200 meters medley event nung Pande-i mezüngbuba jenjang angu. Iba championship nung medal angutsübo imla liasü saka temaba jenjang angutsü bo meimlai liasü, ta Pande-i iba tetoktepba nung India nunger asoshi mezüngbuba gold anguba sülen ashi.
“World Championship asoshi ni kanga junga renema liasü. Mexico nung ni kanga junga shilem agia medal angutsü imla liasü. Saka world championship nung temaba jenjang nung gold anguba ya tesüngmangtsüka. Ni kangasa pelar. Aser kasa mapang ni tebang agi koma rasa ashitsüar memetet,” ta lai osangbener dang ashi.
July ita lai Germany nung Para Swimming Championship nung shilem agiba mapang sorkari la nem agütsüba sen agi la metongteti, lai Berlin nung meshitsüya asütsüsa aküm. Iba ama timtem liaka lai iba tetoktepba nung sliver nguteta World Championship asoshi qualify asü.
Paralympic Committee of India (PCI)-i la nem sen peria magütsüba agi public transport nung ticket mali senzüba ajanga senchi chidakja aser tangar dang sen apua senzüaka Berlin, Germany nung July ita aliba IDM Berlin Para Swimming Championship nung arishi küm 26 tain, Pande-i kanga junga shilem agiba ajanga India nunger squad nung shimok.
Saka iba tatalokba ajanga la temelungtetba nung mokongshi aser 200m kija tzüwaba nung silver medal angu. Mexico nung World Championship atema Kanchanmala-i 100m Freestyle nung qualifying mark (1:34:00) tongtet, 100m Backstroke (1:41:00), 100m Breaststroke (2:01:00) aser 200m Individual Medley (3:03:00) nung silver nguteta liasü.